Batıgöz Sağlıq Qrupunun 13-cü və ən son xəstəxanası olaraq 2021-ci ilin sentyabrında    Türk-Azərbaycan qardaşlığının bariz nümunəsi kimi Bakıda fəaliyyətə başlayan Batığöz Bakı Klinikası artıq 1 ildir ki, geniş spektr diaqnostik və müalicəvi xidmətlər göstərir.  Fəaliyyət göstərdiyi qısa zaman ərzində klinika dünya oftalmologiya sahəsində istifadə olunan ən yeni, innovativ  texnologiyalar və professional komanda vəhdəti sayəsində Qafqazda nadir göz sağlıq mərkəzlərindən birinə çevrilmişdir.

Klinikanın əsas məqsədi beynəlxalq standartlara əsaslanan yüksək tibbi xidmətlər göstərməklə vətəndaşlarımızın sağlamlığının qayğısına qalmaq, Azərbaycan oftalmologiyasını yüksək səviyyədə təmsil etmək, bu günə kimi göz xəstəliklərinin ancaq xaricdə mümkün olan müalicəsini öz ölkəmiz daxilində əlçatan etməkdir.

Bu məqsədlə Batığöz klinikasında dünyanın aparıcı göz mərkəzlərində on minlərlə əməliyyat keçirmiş təcrübəli uzman oftalmoloqlar və gülərüz tibbi personalın, ölkəmizdə analoqu olmayan lazer texnologiyaları, aparıcı  dünya brendlərinin oftalmoloji məhsulları ilə təchiz olunmuş müasir əməliyyatxanaların, komfortlu stasionar xidmətin fəaliyyətini təmin etdik.

Bakı və Azərbaycanın bir sıra şəhərlərində az təminatlı pasientlərimizə təmənnasız müayinə və cərrahi əməliyyatlar həyata keçirən Batığöz Klinikası, həmçinin, dövlət proqramlarına, o cümlədən icbari sığorta səhiyyəsinə, milli idman komandalarımıza maddi və tibbi dəstək verməkdədir.