İngiltərənin Kornuoll qraflığındakı Falmut şəhərində yaşayan Nikolya Konqdon toyuqlarını çox sevir. O, toyuqlarının qışda donmaması üçün onlara jaketlər toxuyur.

Daily Mail-in yazdığına görə, 25 yaşlı Nikolyanın "toyuq jaket"lərini qonşuları görəndə onlar da quşları üçün belə "geyim" əldə etmək fikrinə düşüblər və jaketlər sifariş ediblər.

Jaketli toyuqların fotoları internetdə yayılandan sonra Nikolya populyarlaşıb.
İndi dünyanın ən müxtəlif ölkələrindən Nikolya "toyuq jaket"ləri ilə bağlı sifarişlər alır. İş çox olduğundan Nikolyaya anası, 58 yaşlı Enn yardım edir.
"Əldə etdiyim pulların yarısını QİÇS və xərçəng xəstəlikləri ilə mübarizə fondlarının hesabına keçirirəm", - Nikolya Konqdon deyib.