Gündəlik həyatımızda insanın yalan və ya doğru danışmasını müəyyən etmək olduqca çətindir. Elə situasiyalar olur ki, bizim üçün həyati əhəmiyyət daşıyır və qarşı tərəfin söylədiyi yalan həyatımızın və düşüncələrimizin gedişatını dəyişə bilir. Məsələn,böyük alqı-satqı işlərində ,bir saziş imzaladıqda, bir korporasiyanın biznes planını qurduqda, həmçinin ailədaxili məsələlərdə hər zaman yalanla qarşı qarşıya gəlmək mümkündür.

İnsanlar yalan danışanda qorxu hiss edirlər və bu simptomlarla özünü göstərir. Məsələn,mimikada, jestlərdə,nəbzin ritmində,dodaqların sıxılmasında həmçinin, səsdə və bədəndə titrəyiş, hansı ki, həmsöhbət tənzimləyə bilmir, gözlərini tez-tez qırpır, alında və üst dodağın üstündə tər dənəciklərinin yaranması, üz rənginin dəyişməsi,gicgahda qanın döyünməsi və üzdə kiçik əzələlərin hərəkəti (göz qapaqlarının , qaşların və s.)müşahidə olunur.

Əksər insanlar cəzadan qaçmaq üçün və ya tərif almaq üçün yalan danışırlar. Bəzi insanlar yalanla özlərini qorumağa çalışılar.

Yalan həmişə stresslə meydana gəlir və eyni zamanda aşağıdakı üç formada özünü biruzə verir.

1. Qaç – hər hansı şəkildə danışıqdan,hərəkətdən qaçmaq və ya yayınmaq;

2. Dayan- düsüncədə ,davranışda və sözlərdə hər cür dayanma forması. Vegetativ sinir sistemində dayanmaq bu cür meydana çıxır , insan ağırlaşır, barmaq ucları soyuyur çünki, adrenalin ayaqlara çökür. Buna görə də insan qorxdugu an üzü ağarır.

3.Vur - bu zaman isə təsəvvür , sözlər, fikirlər və davranışda hər hansı aqressiya ,hirs və sualla qarşısındakını sual yağışına tutmağa çalışır. Burada yalançı üçün əsas vəzifə təhlükəli olan şəxsi sual yağışına tutmaqdır. Sualları təkrar etməyi tələb edir, ya da suala sualla cavab verir.