Tibbi sığortaya nə qədər ödəyəcəyik? - VİDEO
14.01.2016, 08:00
2758
Azərbaycanda icbari tibbi sığorta ilə bağlı artıq tələb olunan qanunvericilik bazası formalaşsa da, bəzi zəruri məqamlar hələ də açıq olaraq qalır. Onlardan biri, prosesin necə maliyyələşdirilməsidir. DoktorAZ.Com xezerxeber.com - a istinadən xəbər verir ki, İcbari tibbi sığorta üzrə dövlət agentliyi hazırda bu istiqamətdə işlər aparır. Millət vəkillərinin isə məsələ ilə bağlı təklifləri var.
Ölkəmizdə icbari tibbi sığortanın pilot layihəsinin bu ilin sonunda tədbiqinə başlanması nəzərdə tutulsa da, onun hansı şəkildə maliyyələşəcəyi hələlik məlum deyil.
Milli Məclisin Sosial siyasət komitəsinin sədr müavini Musa Quliyevin fikrincə, tibbi sığorta üçün vətəndaşların əmək fondundan 4-5 faizin ayrılması məqsədəuyğun olardı. Onun da bir hissəsi işçi, digər hissəsi işəgötürən tərəfindən ödənilsin.
Musa Quliyevin sözlərinə görə, bununla yanaşı prosesin həyata keçirilməsi üçün dövlət büdcəsindən və müxtəlif xeyriyyə fondlarından da vəsait cəlb oluna bilər.
Pilot layihəyə gəldikdə isə, hazırda iki variant-konkret rayondan və ya konkret peşədən başlanılması arasında seçim aparılır. Millət vəkili hesab edir ki, 1 - ci variant , yəni rayon üzərində dayanmaq lazımdır. Amma bununla parallel olaraq digər bir pilot layihəsinin də həyata keçirilməsi yaxşı olardı.
Söhbət ürək qüsuru olan uşaqların müalicəsindən gedir.
HƏKİMLƏR
TEZLİKLƏ...
