Batareyalar sahəsində hər kəs kimi bizdə bir inqilaq gözləyirik. Hələlik isə bir neçə sadə üsul ilə siz telefonunuzun enerji sərfiyyatını azalda bilərsiniz. 

1. "Problemli" proqramları tapırıq

Əgər ilk pillədə hər hansı sonradan əlavə olunmuş proqramdırsa bəlkə onun daha enerji istifadə edən alternativi barədə düşünəsiniz? Qızıldan qiymətli enerjinizi durmadan "yeyən" proqram/oyunun sizin Springboard-da yeri olmamalıdır

2. Proqramların fonda yenilənməsini söndürün

Radikal üsul olaraq bu funksiyanı tamamilə söndürməyi məsləhət görürük. Daha mülayim üsul isə bu siyahını diqqətlə nəzərdən keçirib sizə gündəlik lazım olmayan proqramları siyahınızdan silməyi tövsiyyə edirik

3. Batareyanın faizlə görünməsi

Bu demək olar ki psixoloji bir addımdır. Siz tez tez ekranı yandıraraq neçə faiz enerji qaldığını yoxlamaqla siz onun batareyanın ömrünü daha da azaldırsınız. Məsləhət görürük tamamilə bu funksiyadan imtina edəsiniz.

4. Artıq bildirişləri söndürün

"XXX statusunuzu like etdi", "XXX tweetinizi retweet etdi" və s. Bu bildirişlər sizə lazımdırmı? O zaman söndürün.

5. Mail-də Push funksiyasını söndürün

Push sizin emailinizi avtomatik yeniləmək üçündür. Əgər iş yerinizdəsizsə yaxud vacib e-mail gözləmirsinizsə bu funksiyadan asanlıqla imtina edib lazın olduqda poçtunuzu əl ilə yoxlaya bilərsiniz.

6. Handoff-u söndürün

Hər iPhone işlədən şəxsin evində Apple kompüteri yoxdur. Və onlar üçün Apple-ın yeni devizi "Telefon və kompüter - bütov bir cihazdır" maraqlı deyil. Məsləhətdir ki Apple kompüteri alana kimi bu funksiya barədə heç düşünməyəsiniz.

7. Fiziki aktivlik

Əgər sizin qolunuzda ən ucuz fitness treker varsa belə o sizin aktivliyi ölçməyə bəs edəcək. O zaman niyə artıq enerji sərf edərək eyni şeyi telefonunda etməsinə icazə verək? M8 prosessoruna istirahət verək və enerjimizi qoruyaq!

8. Apple-ın məruzələrini söndürün

Apple şirkəti telefonun istifadə zamanı yaranan bütün problemləri aradan tez bir zamanda qaldırmaq üçün avtomatik bu səhvlər haqqında şirkətə məlumat göndərir. Gəlin bu funksiyadan imtina edək və məruzə etməyi digərlərinə buraxaq

9. Proqramların avtomatik yüklənməsi/yenilənməsi

Evinizdə eyni Apple ID ilə işləyən bir neçə iOS cihaz varsa bütün cihazlarınız son yüklədiyiniz proqramı avtomatik öz bortuna yükləyəcək. Bir tərəfdən bu rahatdır. Digər tərəfdən isə lazım olan anda cihazınızın enerjisi kritik həddə çatır.

10. Avtomatik kilidlənməni minimuma endirim

Telefonla işinizi bitirdikdən sonra onu kilidə salmağı unutmayın. Ekran - telefonun ən əsas enerji sərfiyyatçısıdır. iOS 9-da yeni avtomatik kilidə düşmək üçün yeni minimal vaxt əlavə olunub - 30 saniyə.

11. iAD Reklam

Reklam - proqresin əsas mühərrikidir. Və onun sayəsində böyük şirkətlər öz məhsullarını satır, yeni alıcı bazası yaradır və s. iOS sistemində pulsuz proqramların çoxunda iAD reklamları var. Və demək olarki daima bu reklamlar sizin yaşayız yerinizə uyğun reklamlar təklif edir. Buna reklam trekinqi kömək edirki bizdə bundan qurtulmalıyıq. 

12. Proqramlar üçün geolocation funksiyasını söndürün

Enerjiniz ikinci ən böyük düşməni GPS-dir. Yüklədiyiniz proqramlardan bəziləri GPS-dən istifadə edir ki, buda enerjinizi tez tükədir. Lazım olmayan proqramlarda bu funksiyadan enerjinizi qorumaq naminə imtina edin. 

13. Hərəkətli şəkillər

Üstündən iki keçsədə heçnə dəyişməyib. Dinamik və hərəkətli şəkillər eyni qədər sizin enerjinizi "yeyir". Statik divar kağızından istifadə edin ki, telefonunuz daha çox həyatda qalsın.

14. WiFi Assist-dən istifadə edin