27.02.2016 tarixində saat 14:00 da İstək liseyi Ana olmaq gözəldir,seçilməkdir,təmənnasız sevgi yaradıb, yaşatmaqdır, övladının sevincini öz sevinci, uğurunu öz uğuru kimi bilən yeganə varlıqdır. Bütün bunları vacib bilib biz, Lafarella Qadın Klubu və İstək liseyi fevral ayı üçün nəzərdə tutulmuş görüşünü məhz ANAlar üçün etməyi qərara aldıq...

 

Əziz Analar və gələcəyin anaları sizi 27.02.2016 tarixində saat 14:00 da İstək liseyinə dəvət edirik. Bu dəfə "Övladımın uğurunda mənim rolum" adlı psixoloji seminar keçiriləcək. Seminarı, məşhur və peşəkar psixoloq Anar Məmmədov həyata keçirəcək. Bundan əlavə sizi bir sıra yeniliklər, hədiyyələr, yeni tanışlıqlar gözləyir. Seminar ödənişsizdir. Yalnız qeydiyyat ilədir.

 

Qeydiyyatdan keçmək istəyənlər 994 55 885 68 65 nömrəsinin mesaj bölməsinə Ad familya,təvəllüdünü qeyd etsinlər.

 

Ünvan : "İstək” liseyinin Nərimanov kampusu (Ünvan: Nərimanov r-nu F. Xoyski pr., 109) Daha ətraflı desək- 5 nömrəli xəstəxanaya yaxın, Gənclik və Nərimanov metroları arasında Mustafa Tayatın yaxınlığında. Dəyərli Analar, gözəl xanımlar sizləri 27 fevral tarixində İstək liseyində səbrsizliklə gözləyəcəyik. Həyatınıza zəriflik qatmaq ümidi ilə hörmətlə Lafarella Qadın Klubu.

 

Psixoloq haqqında- Anar Məmmədov Azərbaycan Respublikası Prezidenti yanında Dövlət İdarəçilik Akademiyasının Dövlət və Bələdiyyə idarəetməsi fakultəsinin İnzibati İdarəetmə ixtisası üzrə təhsil alıb. Təhsilini Moskva Psixoanaliz İnstitutunun Praktik Psixologiya fakultəsində davam etdirir. Uzun müddət biznes, qeyri-hökümət təşkilatları və media sahəsində fəaliyyət göstərərək 50-yə yaxın layihənin rəhbəri, 10-a yaxın beynəlxalq layihənin iştirakçısı olmuşdur. 2010 – 2014 – cü illərdə Azərbaycanın Milli Qəhrəmanı Mübariz İbrahimov adına Biləsuvar liseyinə rəhbərlik etmişdir. 2014-cü ildə etibarən Azərbaycanın milli təshil brendi "İstək” liseyinin direktoru vəzifəsində çalışır. Ünsiyyət texnologiyaları, inandırma, araşdırma və eksperiment üsulları sahəsində 15 illik təcrübəyə malikdir."Ünsiyyətdə əks-manipulyasiya texnologiyaları” və "Tədrisdə düşüncə seçimi” mövzulu təlimlərin müəllifidir.