Qeydiyyat    Giriş
Sayta giriş
» » XƏBƏRDARLIQ: Pasport almaq istəyənlərin nəzərinə - Qaydalar
Xəbərlər

XƏBƏRDARLIQ: Pasport almaq istəyənlərin nəzərinə - Qaydalar



XƏBƏRDARLIQ: Pasport almaq istəyənlərin nəzərinə - Qaydalar



Yay fəsli yaxınlaşdıqca vətəndaşların bir qismi ölkə daxilində, bir qismi isə xarici ölkələrdə istirahət etməklə bağlı planlar qurur. Bəzi vətəndaşlar müstəqil şəkildə, bəziləri turizm şirkətlərinin elan etdiyi tur-paket kampaniyaları ilə xaricə səfər etməyə hazırlaşır. Lakin xaricə səfər üçün əvvəlcə ümumvətəndaş (xarici) pasportu olmalıdır.

Axar.az mövzunun aktuallığını nəzərə alaraq, ümumvətəndaş (xarici) pasportunun verilməsi qaydasını təqdim edir:

18 yaşı tamam olmuş vətəndaşlara ümumvətəndaş (xarici) pasportunun verilməsi üçün vətəndaşdan aşağıdakı sənədlər tələb olunur:

18-35 yaşlı şəxslər Şəxsiyyət vəsiqəsi, həmçinin kişilər hərbi bilet və ya hərbi komissarlıq tərəfindən möhlət hüququ verilməsi haqqında vəsiqəni ASAN Xidmətə təqdim etməlidir.

18 yaşına çatmamış uşaqlara ümumvətəndaş pasportunun verilməsi üçün valideynlərinin və ya qanuni nümayəndələrinin razılığı, həmçinin müraciət edən valideynlərin və ya qanuni nümayəndələrin şəxsiyyət vəsiqələri olmalıdır.

Ümumvətəndaş pasportu vətəndaş müraciət etdikdən sonra ödənilən dövlət rüsumunun məbləğinə uyğun olaraq 1, 5 və ya 10 iş günü müddətinə verilir.

“Dövlət rüsumu haqqında” Azərbaycan Respublikasının Qanununa əsasən, 18 yaşı tamam olmuş şəxslərə ümumvətəndaş pasportu verilməsi üçün dövlət rüsumu aşağıdakı kimi müəyyən edilib:

10 iş gününə - 40 manat,

5 iş gününə - 80 manat,

1 iş gününə - 160 manat.

18 yaşına çatmamış uşaqlara ümumvətəndaş pasportlarının verilməsi və dəyişdirilməsi üçün onların valideynlərinin və ya qanuni nümayəndələrinin razılığı və şəxsiyyət vəsiqələri tələb olunur.

18 yaşı tamam olmamış vətəndaşlara ümumvətəndaş pasportlarının 10 iş günü ərzində verilməsi və ya dəyişdirilməsinə görə aşağıdakı məbləğdə dövlət rüsumu tutulur:

1 yaşınadək uşaqlar üçün - 10 manat

1 yaşından 3 yaşınadək uşaqlar üçün - 20 manat

3 yaşından 18 yaşınadək uşaqlar üçün - 30 manat

5 iş günü müddətində verildikdə və ya dəyişdirildikdə:

- 1 yaşınadək uşaqlar üçün - 20 manat

- 1 yaşından 3 yaşınadək uşaqlar üçün - 40 manat

- 3 yaşından 18 yaşınadək uşaqlar üçün - 60 manat

- 18 səkkiz yaşına çatmış vətəndaşlara - 80 manat

1 iş günü müddətində verildikdə və ya dəyişdirildikdə:

- 1 yaşınadək uşaqlar üçün - 40 manat

- 1 yaşından 3 yaşınadək uşaqlar üçün - 80 manat

- 3 yaşından 18 yaşınadək uşaqlar üçün - 120 manat

Qeyd edək ki, ümumvətəndaş pasportu 1 yaşınadək uşaqlar üçün bir illik müddətə, 1 yaşından 3 yaşınadək uşaqlar üçün üç illik müddətə, 3 yaşından 18 yaşınadək uşaqlar üçün beş illik müddətə, 18 yaşına çatmış şəxslər üçün isə on illik müddətə verilir.
loading...


loading...
Muəllif: narmin  11-09-2019, 08:37   Baxılıb: 2 746   
Hormətli qonaq, Siz sayta qonaq qismində daxil olmusuz. Zəhmət olmasa Qeydiyyatdan kecin və ya Profilinizlə giris edin .
İnformasiya
Qonaqlar qrupunda olanlar istifadəçilər bu Xəbəra şərh əlavə edə bilməz.