Türkiyənin məşhur müğənnisi Zerrin Özer qalmaqallı açıqlamaları ilə gündəmə gəlib.
Sənətçinin “Posta” qəzetinə verdiyi müsahibə çox danışılacaq kimi görünür.
Sözügedən müsahibədən bir hissəni təqdim edirik:
-Gənc kişilərlə birlikdə olan qadınlar özlərini aldatmasın. O kişilər ya pulları, ya da şöhrətləri üçün onlarla birlikdə olur.
-Fikrinlə əsla razı deyiləm. Mənim dostluq etdiyim bütün kişilər məndən kiçikdir. O nə deməkdir? Sevə bilməzmi? Təbii ki, sevə bilər. Həyatda heç bir şey üçün böyük danışmamaq lazımdır.
-Qocalmaqla aranız necədir?
-Yaşlanmağı qəbul etmirəm. Bəzən geriyə baxıb düşünürəm və deyirəm ki, “Mən o qədər ili yaşamış ola bilmərəm”. Ona görə daim keçmişdən bəhs edən dostlarımı da dərhal susdururam. Onsuz da istədiyim çox şeyi edə bilmədim. Ürəyimi sızladan, içimdə qalan çox şey var.
-Özünüzə kişi kimi qadın deyirsiniz…
-“Uğura gedən yol prodüserin yaxınlığından keçir” sözü gerçəkdir. Bütün bunlardan qaçmaq üçün çox mübarizə apardım. Arxamda kimsə yox idi. Anam məni pəncərələrdə gözləyirdi. Buna görə özümə qoruma qalxanı yaratdım. Hər kəsə yaşına baxmadan “qardaş” deyərdim. İstər-istəməz kişi kimi qadın oldum.
-Bu vəziyyət yaşadığınız eşqlərdə tarazlıq yaratdı mı?
-Bir münasibətdə kişi hər zaman bir addım öndə olmalıdır. Bir az keçmiş əsrlərdəki insanlar kimiyəm. Məncə, hər qadının bir kişiyə ehtiyacı var. Bəlkə yaşadığım çətinliklərdən, mübarizələrdən sonra içimdə tək olduğumu düşündüyüm üçündür. Bilmirəm…
-Keçmişdə təcavüz kimi ağır travma yaşadınız.
-Bəli, buna görə bakirəlik içimdə qalan bir zirvə oldu. Bəlkə təcavüzə məruz qalmasaydım, bakirəliyə belə önəm verməzdim.
-Qızınız olsa, onun da ərə gedənə qədər bakirə olmasını istərdinizmi?
-Bəli, bakirə olaraq böyüdərdim. Yəni, mən hədsiz rahatlığı, hörmətsizliyi sevmirəm. İndiki insanların müasirlik anlayışını qəbul etmirəm. Artıq hörmət, ədəb qalmadı.
-Ölkədə azadlıq mübahisəsi davam edir. Siz özünüzü azad hiss edirsiniz?
-Türkiyədə özümü son dərəcə sərbəst hiss edirəm. Düzdür, bir çox məsələdə Amerikadan 100 il geridəyik. Amma Maşallah əxlaqsızlıq mövzusunda onlarla bərabər irəliləyirik. Əxlaqsızlıq baş alıb gedir… Azad olmaq ürəyindən keçənləri istədiyin kimi etmə haqqı verməz. Elə şeylər eşidirəm ki, dəli oluram. Bu azadlıq deyil, azğınlıqdır, əxlaqsızlıqdır.