14 il əvvəl ayrılan fələstinli qardaş-bacılar: Musa və Lətifə Səudiyyə Ərəbistanı səlahiyyətlilərinin səyləri nəticəsində yenidən Həcdə görüşdülər.

Bu haqda “Saudi Gazette” nəşri xəbər yayıb.

Kral Salmanın fərmanı ilə həyata keçirilən proqram çərçivəsində, dünyanın müxtəlif ölkələrindəki müsəlmanlar Həccə dəvət alırlar və onlara monarxın şəxsi resursları hesabına Məkkəyə ziyarətə getmək imkanı verilir.

Belə dəvət təsadüfən eyni ildə fələstinli qardaş- bacı tərəfindən də qəbul edilib.
Lətifə xatırladıb ki, 30 il əvvəl qardaşının yalnız 2 yaşı olarkən ailəsi ilə Fələstindən Livana gedib. Lakin o, tezliklə Misirə köçüb, Musa isə Livanda qalıb. Bütün bu illər ərzində qardaşını bircə dəfə - 14 il öncə görə bilib.

Beləliklə, qardaş - bacı Həcc zamanı möcüzə sayəsində bir araya gəldikdən sonra biri-birinə sarılaraq göz yaşı töküblər... Bacının oğlu da bu mənzərəni maraqla seyr edib...
Daha əvvəl iki suriyalı qardaşın Həcc zamanı Məkkədə necə qovuşmaqları haqda da xəbərlər yayılmışdı.
moderator.az