Bir çox qadınlar məhz bu üsulu seçir. Uşaqlıq daxili vasitənin (tibbdə "spiral" belə adlandırılır) bəzi üstünlükləri və mənfi tərəfləri var ki, onlar haqqında hər bir qadının xəbəri olmalıdır.

Adı bildirilməyən xəstə 2011-ci ildə spiral qoydurmasına baxmayaraq, bir neçə ay sonra hamilə qalıb və 2012-ci ildə uşaq dünyaya gətirib. Körpə qeysəriyyə üsulu ilə dünyaya gələrkən həkimlər spiralı tapa bilməyiblər.

26 yaşlı qadın sidik yolu infeksiyası və qarın ağrısından şikayət edəndə ultrasəs çəkilib. Nəticədə bu ağrılara spiralın səbəb olduğu aydın olub. Gənc qadının hamilə qalmamaq üçün qoydurduğu spiral sidik kisəsində olub.

Qadının yaşadığı hal "Medicine" qəzetində dərc olunarkən spiral qoyan min qadından birində bu hala rast gəlindiyi bildirilib. Ancaq mütəxəssislər spiralın sidik kisəsinin qapanması vəziyyətində hər zaman əlamət vermədiyi üçün bu rəqəmin daha çox ola biləcəyi barədə xəbərdarlıqlar edib.
GoldNews.Az