Sosial şəbəkələrdə yayılan bir görüntüdə, vətəndaşın aptekdən aldığı kapsul formasındakı dərmanın içinin boş olduğu iddia edilir. Bu isə cəmiyyətdə narahatlığa səbəb olub. Rəsmi qurumlar isə deyilən iddiaların əsassiz olduğunu bildirir və sübutlar göstərir. "XəzərXəbər" məsələnin təfərüatlarını araşdırıb.
Kapsul formasında olan dərmanın içini açır və içində hər hansı maddənin olmadığını bildirir.
Sosial şəbəkələrdə yayılan bu görüntülərdə vətəndaş aptekdən aldığı kapsul formasındakı dərmanın içinin boş olduğunu və aldadıldığını iddia edir.
Yayılan bu görüntülər isə cəmiyyətin narahatlığına səbəb olub.
Səhiyyə Nazirliyinin Analitik ekspertiza şöbəsinin baş mütəxəssisi Ülkər Abdullayeva video müraciətlə yayılan bu iddiaların tam əsassız olduğunu bildirir.
Səhiyyə Nazirliyinin rəsmisi Ülkər Adullayava onu da bildirir ki, ölkəmizdə apteklərdə satılan hər bir dərmanın tərkibi, keyfiyyəti yoxlanılır və yalnız bundan sonra satışına icazə verilir.