Tərxun limonadı uşaqlığımızın sevimli içkilərindən biridir. Lakin mağazalarda satılan içkilərdən fərqli olaraq ev şəraitində təbii vasitələrlə hazırlayaraq könül rahatlığı ilə içə bilərsiniz.
Tərkibi:
75 qr təzə tərxun
150 qr şəkər tozu
250 ml su
1 laym şirəsi
700 ml qazlı və ya sadə soyuq su
150 qr şəkər tozu
250 ml su
1 laym şirəsi
700 ml qazlı və ya sadə soyuq su

Hazırlanma qaydası:
İlk öncə tərxun yarpaqlarını ayırın. Yarpaqlarını blenderin qabına, saplaqlarını isə bir qazana tökün. Saplaqların üzərinə şəkər tozu və 150 ml su əlavə edib zəif odda 5-7 dəqiqə qaynadın. Süzgəcdən keçirin və soyudun. Tərxun yarpaqlarının üzərinə 100 ml su və laym şirəsi əlavə edib blenderdə püre halına gələnədək əzin. Mayeni ikiqat tənzif və ya çox xırda ələkdən keçirin. Soyuyan siropla mayeni qarışdırın. Qazlı və ya sadə soyuq su ilə qarışdırıb süfrəyə verə bilərsiniz.