ABŞ-ın Minnesota ştatında yaşayan 29 yaşlı Cohanna Vatkinsin immun sisteminə təsir edən və çox nadir görülən bir xəstəliyi var.
Türkiyə mediası xəbər verir ki, “Mast Hüceyrəsi Aktivasiya Sindromu” (MHAS) adlı bu xəstəlik səbəbindən Cohanna hər şeyə allergik reaksiya göstərir. Belə ki, həyat yoldaşı Skotun iyi belə onu təhlükəyə salır və cütlük eyni otaqda otura bilmir.
Dolayısı ilə Cohanna və Skot normal cütlüklərindən daha fərqli bir həyat yaşayırlar. Cohanna hava sızdırmayan pəncərələri və qapısı olan bir otaqda təkbaşına yaşamaq məcburiyyətindədir. Xəstəliyi ucbatından özünü xarici təsirlərdən qorumağa çalışan Cohannanın hüceyrələri hər hansı bir təhlükə ilə qarşılaşdıqları zaman mutasiyaya məruz qalaraq sağlam hüceyrələrə hücum edirlər.
Cohanna “Skotla birlikdə bir şeyə baxmaq istədikdə mən öz otağımda, ərim isə aşağıdakı otaqda oturur, eyni verilişi açırıq və izləyərkən bir-birimizə mesaj atırıq” deyib. Yəni Cohannanın xəstəliyi o qədər ciddi və ağırdır ki, həyati risk daşıyan hər şey onu şoka sala bilir.
2013-cü ildə əri Skotla evlənməzdən əvəvəl Cohanna vəziyyətin bu dərəcədə ağırlaşacağını bilmirmiş. Cütlük nişanlı olarkən Cohanna Skotla görüşəndə dərisində müxtəlif qaşıntı olur, bağırsaq sindromu və miqrenlə mübarizə aparırmış. Lakin cütlük evləndikdən sonra bu göstəricilər daha da ağırlaşıb. Cohanna “vəziyyəti Skot otağa girərkən vəziyyətimin pisləşməyə başladığı zaman anladıq. Bir gün Skot saçını kəsdirməyə getdi, geri qayıtdığı zaman otağa girər-girməz reaksiya göstərməyə başaldım və o da otaqdan çıxmaq məcburiyyətində qaldı”, – deyə bildirib.
Ondan sonra bir həftə ərzində bir-birilərindən uzaq duran Skot və Cohanna yenidən bir araya gəlmək istədikləri vaxt eyni şey təkrarlanmağa başlayıb. Cohanna “evliliyimizin bu şəkildə davam etməsi bərbaddır. Artıq ərimə qarşı çox ağır alergik reaksiyalar verirəm. Ondan əvvəl ailəmə və bir çox insanlara da reaskiya göstərmişdim. Amma Skota qarşı allergiyamın olması çox dəhşətdir”.
MHAS xəsətlərinə tətbiq edilən müalicə və dərmanlar Cohannaya kömək etmir. Ona görə də cütlük bu vəziyyətin düzəlib-düzəlməyəcəyini bilmir. Skot isə həyat yoldaşı sağalana kimi səbr edəcəyini bildirir.A24