Eşitmədiyimiz səslər bizi xəstə edir
25.01.2016, 13:00
2537
"The İndependent" qəzeti yazır ki, ətrafda insan qulağının eşidə bilmədiyi ultrasəslər adamların psixikasına və ümumi sağlamlığına ciddi təsir göstərir.
Alimlər bildirirlər ki, belə səslərin ən çox konsentrasiya olunduğu yerlər dəmir yolu vağzalları, muzeylər, kitabxanalar, məktəblər və stadionlardır.
Southampton Universitetindən olan alimlər qrupunun apardığı təcrübələr göstərib ki, adi insan qulağının eşidə bilmədiyi ultrasəslər adamlarda səbəbsiz baş gicəllənməsi, ürək bulanması, süstlük və tinnitus (qulaqda səs) kimi xoşagəlməz hallara səbəb olur.
Ultrasəslər adi səslərdən fərqli olaraq yüksək tezliyinə görə insan qulağı ilə "eşidilmir". Bu səsləri yaradan qurğuların arasında səsucaldanlar və qapı sensorları da var.
Alimlər bildirirlər ki, adamlar öz iş yerlərində ən müxtəlif sənaye mənşəli ultrasəslərin "zərbələrinə" məruz qalırlar.
Qazma qurğuları və tozsoranlar kimi təmizləmə avadanlığı da daim belə səsləri emissiya edir.
Araşdırmaya rəhbərlik edən professor Tim Leighton deyib ki, hələlik ultrasəslərlə insan orqanizmində gedən proseslər tam müəyyən edilməyib, lakin indinin özündə iş yerlərinin və əmək mühitinin təhlükəsizliyinə dair təlimatların yenilənməsinə ehtiyac var.
Universitetin Səs və Vibrasiya Tədqiqatları İnstitunun professoru Leighton "The İndependent" qəzetinə bildirib ki, hazırda mövcud olan təlimatlar kifayət deyil, çünki işçilərə onların məruz qaldıqları təsirlər haqqında xəbərdarlıq etmir.
Professor bu qənaətdədir ki, mövcud təlimatlar bəzən 40 il bundan əvvəlki biliklərə əsaslanır və ən müasir texnologiyaların insan orqanizminə təsirini nəzərə almır.
Professor Leighton düşünür ki, indi əksər iş yerlərində yüksək tezliklər və ultrasəs sahələri mövcuddur.
Alimin fikrincə, bu məsələnin dərindən araşdırılıması və yeni təhlükəsizlik təlimatlarının tətbqi çox mühümdür.
Cənab Leighton deyir ki, ultrasəs təsiri nəticəsində müəyyən simptomları aşkar edən adamlar bu simptomalrın mümkün səbəbləri barədə məlumat almaq haqqına malikdirlər.
Alim düşünür ki, bir sıra mühüm tədbirlər, məsələn muzeylər kimi, adamların "müvəqqəti qonaq" olduğu yerlərdə yox, təsirin az və ya çox dərəcədə davamlı olduğu məkanlarda, məsələn məktəblərdə, xəstəxanalarda və sənaye müəssisələrində görülməlidir.
HƏKİMLƏR
TEZLİKLƏ...
