Bir çox xəstəliklərin, misal olaraq dəri səpkiləri, oynaq ağrıları, allergiya və sair, səbəbi bağırsaqların düzgün işləməməsi ola bilər. Xroniki burunaxma, tez-tez soyuqlamaya səbəb bağırsağın kirlənməsi və mikroflora disfunksiyası ola bilər.

Bugün sizlərə bağırsaqların xalq təbabəti ilə təmizlənməsi barəsində yazı təqdim edirik. Bağırsaqların təmizlənməsində bir çox xalq təbabəti vasitələrindən istifadə edilir.

Mələk otu şirəsi (сок сныти)

Təzə mələk otu yığılmalıdır və şirəsi çəkilməlidir. Qəbul etmə sistemi isə belə olmalıdır: birinci gün – 1 xörək qaşığı gündə 3 dəfə yeməkdən 20 dəqiqə əvvəl, ikinci gün – eyni qaydada 2 xörək qaşığı. Əgər ilk iki gündən sonra əks təsir müşahidə olunmursa, üçüncü gündən yarım stəkan qəbul etmək olar. 10 gün içdikdən sonra 5 gün fasilə verin və daha sonra 10 gün davam edin. Mədə xorası olanlara bu vasitə qadağandır.

Quru meyvələrlə

Aşağıdakı meyvə qurularını xırdalayıb qarışdırmaq lazımdır: 300 qr qayısı qurusu, 300 qr qara gavalı, 300 qr əncir, 100 qr bal və 100 qr aloye. Bunu gündə iki dəfə qəbul etmək lazımdır və bu bir qida qəbulunu əvəz edir. 10 gün davam etməlidir. Müalicə zamanı gündə ən azı 1-1,5 litr qazsız su içilməlidir. Qarışım soyuducuda saxlanılmalıdır.

Dəmrovotu (чистотел)

Bu vasitə ən çox yoğun bağırsağın polipozu xəstəliyindən əziyyət çəkənlərə məsləhət görülür. Hazırlamaq üçün dəmrovotunun yarpağı və saplağı ət maşınından keçirilir və 1:10 nisbətində qaynar su əlavə edilir. Soyuyandan sonra 1 xörək qaşığı qarışımı yarım stəkan suda qarışdırılır və klizma vasitəsi ilə bağırsağa yeridilir. Qarışım bağırsaqda bir saat yarım qalmalıdır. Bağırsaqların təmizlənməsi üçün 10 prosedur kifayətdir. Bağırsaq polipləri gedəcək, sallaq ət xalları – papillomalar töküləcək. Ümumiyyətlə qolaltı, gözüstü, boyun və sinədə olan papillomaların olması yoğun bağırsaq polipinin olmasına işarədir.

Otlardan düzəldilən cövhər

Bu vasitə isə əsasən nazik bağırsaq xəstəliyi enteritdən əziyyət çəkənlərə uyğundur. Bu xəstəliyin əlamətləti mədə qıcqırması, ürəkbulanmalar, qarın ağrıları, ishalın olmasıdır. Cövhərlər:

* kalendula – qaynar suya 1 xörək qaşığı, gündə iki dəfə yeməklər arası yarım stəkan;
* çobanyastığı – qaynar suya 1 xörək qaşığı, yeməkdən sonra iki xörək qaşığı;
* bağayarpağı – qaynar suya 1 xörək qaşığı, bir saat ərzində az-az içmək lazımdır.
Müalicə 15-20 gün davam etməlidir.

Düyü və yulaf ilə müalicə

Yarım stəkan düyü və yarım stəkan yulafı 2,5 stəkan suda duzsuz, şəkərsiz və yağsız bişirin. Alınan sıyığı səhər və axşam qəbul edin. Naharı adi qaydada keçirin. 1-2 həftə davam edin. Bu vasitə nəticəsində bağırsaq divarlarınız möhkəmlənəcək, bağırsağınız tam təmizlənəcək.