Mağazadan ən yetkin və yetişmiş kivi seçin. Kivi yumşaq və hamar olmalıdır.


Yuyun və bir neçə hissəyə bölün . Lətini(içərisini) səliqə ilə ovuşdurun. Alınmış horranı illıq su ilə dolu stəkana atın, qarışdırın və bir az sakitləşməsini gözləyin.

Dəfələrlə yuyun yumşaq hissəsi gedəcək, tumları su üzərində üzəcək. Bu toxumları təmiz bir salfetin üzərinə yığın. 3-4 saata onlar quruyacaq, sonra onları səməni kimi göyərdin. Təmiz, yaş dəsmalın üzərinə toxumları düzün, və üzərinə nəm tənzif sərin. Günəşli bir yedə göyərməsini gözləyin. hər gün üzərindəki tənzifi nəm edib, təzədən örtün. Təxminən 7-10 günə toxumlar göyərəcək.

Gül dibçəyi götürün və onu torpaqla doldurun. Hamamda dibçəyi bolluca sulayın, iki saat ərzində saxlayın. Torpaqda çala qazın, çalanın dərinliyi 5-10 mm olmalıdır, bura 2-3 toxum qoyun. Onların üzərinə torpaqla yavaşca örtün, otaq temperaturunda olan su tökün. Üstünü plyonka ilə yaxşıca örtün. Dibçəyi isti günəş olan yerə qoyun. 3-6 gün sonra dibçəkdə ilk cücərtilər olacaq. Üzərindəki plyonkanı çıxarın. Qışda kivini ayda 2-3 dəfə suvarmaq kifayətdir. Vegetasiya (yazda və yayda) dövründə bitkilərə daha çox su tələb olunur, ona görə də bu mövsümdə həftədə 2 dəfə suvarmaq lazımdır.

Unutmayın bitkiləri seyrəkləşdirmək lazımdır, yoxsa onlar bir-birinə mane olacaq. Erkən mərhələlərdə onları torpaqdan ayırmaq asan olar. Az sonra bunu etmək artıq mümkün olmayacaq, çünki kividə kök sistemi kifayət qədər sürətlə inkişaf edir.