Ayaqlarınız tez-tez ağrıyırsa, mütləq bol maye qəbul edib, yürüşə başlamalısınız.
SaqlamHeyat.az xarici mətbuata istinadən xəbər verir ki, bəziləri çox siqaret çəkməkdən, bəziləri də hərəkətsizlikdən dolayı yaranan ayaq ağrılarından şikayətlənirlər. Ətrafınızdakı yaşlılara nəzər salın. Onların çoxunun səhhətindəki ən mühüm problem ayaq ağrılarıdır. Bəs bu ayaq ağrılarından xilas olmaq üçün nə etmək lazımdır?
Ayaq ağrılarını bəzi hərəkətlər vasitəsi ilə aradan qaldırmaq mümkündür. Dərmanlarla müalicəyə başlamazdan əvvəl bu üsulları sınaqdan keçirməkdə fayda var. Həmçinin çoxlu maye qəbul edib, yürüşə başlamaq tövsiyə olunur. Təmiz havada 10 dəqiqə yürüş belə kəskin ayaq ağrılarının xilaskarı ola bilər. Qalın corab geyinmək də çox kömək edir.

Ağrını azaltmaq üçün , siz bu çox effektlıli təbii alternativi sınaya bilərsiniz, bu üsulla 5 dəqiqə ərzindəağrını sakitləşdirmək mümkündür.

Əllərinizi belinizə qoyun, onurğa sütununuzu düz saxlayın. Bir dəqiqə ərzində dizlərinizi bükmədən ayaq barmaqları üzərində gəzin.
Əllərinizi belinizə qoyun, ayaqlarınızı çiyin bərabərliyində açın. Qabağa əyilərək ovuclarınızı döşəməyə toxundurmağa çalışın. Dizlərinizi bükməyin! Əyilərkən nəfəsinizi alın, başlanğıc vəziyyətə qayıdarkən nəfəsinizi buraxın.
Düz dayanın, ayaqlarınızı bir az aralı qoyun. Ayaq pəncələrinizi döşəməyə tam şəkildə dayamaqla, çox asta-asta mümkün qədər aşağı oturun.
Arxası üstə uzanın, əllərinizi bədən boyu uzadın və ayaqlarınızla velosipedi sürürmüş kimi hərəkətlər edin.
Ayaq üstə durub, tenis topunu ayaqaltına, bərk sıxaraq hərəkət etdirin. Sonra isə digər ayağınızda eyni hərəkəti təkrar edin. Bu sadə hərəkətlər ağrıları sakitləşdirir.