Tez-tez istifadə etdiyimiz, mütəmadi olaraq toxunduğumuz əşyalar mikroba daha çox məruz qalır. Sən demə, telefonlar özündə nəinki bizim yazışmaları və mühüm əlaqə nömlərini, eləcə də bir çox təhlükəli mikroblarları saxlayır.

İngiltərəli alimlər analara uşaqlara mobil verməməyi, o cümlədən telefonları ağzına salmaması üçün hər zaman diqqətli olmağı tövsiyə edib. Surreya Univertitetinin ekspertləri apardığı elmi eksperimentlərdə müəyyən edib ki, mobil telefonlarda orqanizmə daxil olma ehtimalı yüksək olan çox təhlükəli bakteriya və  viruslar var.

Alimlər mobil telefonlarda yığılan bakteriyaların insan orqanizmə verdiyi zərərləri də yoxlamaq qərarına gəlib. Tədqiqatlar nəticəsində məlum olub ki, qızılı stafilokoku adlı mikrobdan başqa, telefonlardan alınan digər bakteriya və mikrobların çoxu təhlükəli deyil. Qızılı stafilokoku adlı mikrob dəri infeksiyalarının, həmçinin osteomielit, pnevmoniya və meningit kimi təhlükəli xəstyəliklərin meydana gəlməsinə səbəb ola bilir.

Telefonların xəstəlik mənbəyi olmaması üçün dezinfeksiya vasitələri istifadə etməklə onları həftədə bir dəfə təmizləmək lazımdır. Bu, mobil telefonlarda bakteriyaların yaranmasının  və inkişafının qarşısını alacaq.

Publika.az