Sağlam vücud üçün tarazlığı saxlamaq və sağlam qidalanma əsas şərtdir.

Səhhətin qorunması, sağlam bir şəkildə davam etdirilməsi, xəstəliklərdən qorunma, xəstəlik yarandıqda onun düzgün müalicəsi, tarazlı şəkildə qidalanmaq ən təməl şərtdir. Hər xəstəliyin özünə görə fərqli tibbi qidalanma müalicəsi təyin edilməlidir.

Əməliyyatdan sonra yağ və kalori qəbulu azaldılmalıdır

Qidalanmasına ən çox diqqət etməsi lazım olan qrup həddindən artıq çox çəkili olan xəstələrdir. Əməliyyatdan öncə və sonra xəstənin dietoloq tərəfindən mütləq dəyərləndirilməli, yetərli və taraz qidalama proqramı yaratması laızmdır. Çəki itirmək və çəki itirilməsini qorumaq üçün yağ və kalori qəbulunu azaltmaq lazımdır.

Tibbi qidalanma müalicənin təsirini artırır

Xüsusilə ürək xəstəlikləri, beyin və böyrək damarlarına təsir edən xəstəlikləri və periferik damar xəstəlikləri olanlar qidalanmalarına xüsusilə diqqət etməlidir. Bu xəstəliklərdə xolesterolun və qan yağlarının müəyyən bir səviyyədə saxlanması, sağlam qidalanma ilə mümkündür. Bədən ağırlığının arzu edilən sərhəddi 15%-i keçməyəcək səviyyəyə endirilməsi müalicənin təsiirni artırar.

Qanda şəkərliliyin miqdarını qorumaq çox önəmli

Diabetin tibbi qidalanma müalicəsi, diabetin yaranmasının qarşısını almaq üçün və şəkər xəstələrini müalicə etmək üçün lazımlıdır. Diabetdə tibbi qidalanma müalicəsi ilə qan şəkərinin miqdarını normal və ya normala yaxın saxlamaqla müsbət nəticə əldə etmək olar.

Xərçəng xəstələrində dietik qidalanma önəmli

Xərçəngdə müalicə zamanı yaranan iştahdan kəsilmə, arıqlama və ya çəki alma, ağız ya da boğaz ağrısı, qoxu ya da dad dəyişikliyi, qusma, ishal, qəbzlik kimi vəziyyətlərin qarşısının alınmasında dietik qidalanma çox önəmlidir. Xərçəngin müalicəsi zamanı düzgün qidalanma ilə bu sıxıntılardan uzaq qalmaq olar.