SaqlamHeyat.az xarici mətnuata istinadən bildirir ki, həkimlərin fikirinə görə, hər gün 1 ovuc ləpə yeyən insan özünü bir çox xəstəliklərdən və pozulmalardan qoruya bilər.
Cekson adına Genom Laboratoriyasından bir qrup amerikalı alim tədqiqat nəticəsində müəyyən edib ki, qozun tərkibindəki maddələr kolorektal xərçəngdən qorumaq qabiliyyətinə malikdir.
Mütəxəssislər siçanlar üzərində təcrübə aparıb və onları 2 qrupa ayırıblar. Birinci qrupa adi yem, ikinci qrupa isə amerikalı adamın qida rasionuna daxil olan qida verilib. Bununla yanaşı, hər qrupda bir alt-qrup olub ki, oradakı siçanların yeminə qoz qatılıb. Aşkar edilib ki, qoz qatılan insan qidaları ilə yemlənən siçanlarda yoğun bağırsaq xərçənginin inkişaf ehtimalı minimum olub. Bu onunla bağlıdır ki, qozun tərkibində zəngin yağ turşuları, habelə omeqa-3 və omeqa-6 yağ turşuları, eləcə də E vitamini var. Bu maddələr xərçəngdən qorumağı bacaran bakteriyaların böyüməsinə və çoxalmasına səbəb olur. Alimlərin gəldiyi nəticəyə əsasən, qozu xərçəngin profilaktikası məqsədilə tövsiyə etmək tamamilə mümkündür, lakin tədqiqatı insanların iştirakı ilə də aparmaq lazımdır.
Qoz-fındığın orqanizmə olan müsbət təsirləri arasında:
- Ləpə insanı uzun müddət ərzində tox saxlayır və nəticədə daha az yeyir və arıqlayır.
- Omeqa-3 və Omeqa-6 yağlı turşularla zəngindir ki, bu maddələr ürəyin və beyinin sağlamlığında çox böyük rol oynayır.
- Arterial təzyiqin tənzimlənməsinə kömək edir.
- Orqanizmdə "pis" xolesterinin səviyyəsini aşağı salmağa kömək edir və bununla damarlarımızı aterosklerozdan qoruyur. Ateroskleroz insult və infarkt kimi ağır pozulmaların əsas risk faktoru sayılır.
- Qidalı liflərlə zəngin olduğuna görə bağırsaqları təmizləyir.
- Mineralla zəngin olduğuna görə sümükləri və dişləri möhkəmləndirir.
- Qanda "xoşbəxtlik hormonu" adlandırılan serotoninin səviyyəsini qaldırır ki, bu da bizə streslə və depressiya ilə mübarizə etməyə kömək edir.
- Beyinin bütün funksiyalarını (yaddaş, diqqət, təfəkkür) yaxşılaşdırır.
- Yuxunu normallaşdırır.
- İmmun sistemini möhkəmləndirir.
- Antioksidant maddələrlə zəngin olduğuna görə hüceyrə səviyəsində qocalma prosesləri ləngidir, insanı daha gümrah edir.
