Otit - orta qulağın xəstəliyidir. Bu, uşaqlarda ən çox təsadüf edilən xəstəliklərdən biridir.

SaqlamHeyat.az xarici mətbuata istinadən bildirir ki, Otit, adətən, infeksiyanın burun, udlaq və burun-udlaqdan orta qulağa keçməsi nəticəsində inkişaf edir. Buna görə də həmin orqanlarda başlayan hər bir infeksiyaları vaxtında və düzgün müalicə etmək lazımdır.

Zökəm, faringit, adenoidit zamanı burun və udlağın selikli qişasındakı iltihabi prosesin asanlıqla eşitmə borusuna yayılması nəticəsində adam pis eşitməyə başlayır.

Bu mərhələdə müalicə vasitəsilə prosesin qarşısı alınmazsa, iltihab orta qulağa keçərək otit əmələ gəlməsinə səbəb olur. Otit zamanı qulaqda kəskin ağrı əmələ gəlir, bədən hərarəti 380C qalxır.

Yadda saxlayın ki, qulaqda irinli proses zamanı qulaq damcısı və spirtli kompreslərdən istifadə etmək olmaz!

İrinli otitin müalicəsində təbil pərdəsində kəsik apararaq və ya pərdəni deşərək orada yığılan irin xaric edilir. Orta qulaqdakı irini mümkün qədər tezliklə xaric etmək lazımdır. Əks halda baş beyin və beyin qişalarının iltihabı - meningit, bəzi hallarda isə beyin toxumasının iltihabı olan beyin absesi və ya irinin qana keçməsi nəticəsində sepsis də inkişaf edə bilər.

Xalq təbabətilə də müalicə mümkündür.

Qulaq ağrısının təbii üsullarla müalicəsi

Sarımsaq: Soyuqdəymə nəticəsində baş verən qulaq ağrısını kəsmək üçün sarımsaq şirəsini zeytun yağı ilə qaynadıb ilıq halda qulağa damcılatmaq faydalıdır. Sarımsaq şirəsinin badam və çobanyastığı yağı ilə qaynadılmış qarışığı da buna yaxşı təsir edir.

Nar: Turş nar dənələrini əzib şirəsini qaynatdıqdan sonra, onu eyni miqdarda bal ilə qarışdırıb qulağa damcıladırlar. Şirin nar dənələrini şərabda qaynadıb, əzib sonra qulağa məlhəm şəkildə qoyanda təsiri yaxşı olur.

Yumurta: Yumurta sarısını qulağa damcıladanda ağrı sakitləşir. İltihablı ağrıları kəsmək üçün yumurtanın ağını və sarısını gül yağı ilə qarışdırıb, təpitmə kimi qulağa çəkmək çox xeyirlidir.