Türkiyəli həkim-mütəxəssis Bülent Cihantimur isti havanın varikozu inkişaf etdirdiyini deyir.

Varikoz zamanla zəifləmiş damar divarları səbəbindən ortaya çıxan narahatlıqdır. Əsas xarici əlaməti ayaqlarda göy və ya qırmızı çalarlığı olan "tor şəkilli”, "ulduz şəkilli”, "hörümçək toru” formasında olan damarların olmasıdır. Bunlar yalnız kosmetik narahatlıq yaratmır. Mütəxəssis yay aylarında bir çox adamın varikoz səbəbindən estetik problemlər yaşadığını, bundan başqa qaşıntı, ayaq ağrısı, yorğunluğu, şişmə və ağırlıq, dəridə rəng dəyişməsi kimi problemlərdən əziyyət çəkdiyini vurğulayır. Həkim yay mövsümünü yaşadığımız və havanın həddindən artıq isti keçdiyi bu günlərdə varikozu olan insanların daha çox diqqətli olmasını məsləhət görür: "Günəş varikoz və ya hörümçək toru görünüşü dediyimiz diqqətə çarpan kapilyar damar probleminə səbəb olmur. Ancaq varikoz ayaqlar günəş vannası əsnasında yüksələn istilik nəticəsində damarların böyüməsinə və daha diqqətəçarpan hala gəlməsinə şərait yaradır. Dəriyə yaxınlaşan damarların içi həddindən artıq qanla dolur və xəstə damarlardakı qan axımı artımı varikozların daha çox görünməsinə səbəb olur”.

Həkim qeyd edir ki, yalnız günəş deyil, eyni zamanda isti vanna, uzun müddət davam edən hamam seansları da eyni cür təsiri edə bilər: "Varikoz müalicəsi tez bir zamanda aparılmalıdır. Bu damar xəstəliyinin nəzarət altına alınması əhəmiyyətlidir. İstilik qaynaqlarından qaçmaq damarların gənişləməsinin qarşısını almaq üçün doğru tədbirlərdən biridir. Ayaqları aşağı sallamaq əvəzinə, ürək səviyyəsindən yuxarı mövqedə istirahət etdirmək, daha aktiv həyat tərzi keçmək, siqareti tərgitmək və əlbəttə, varikoz müalicəsinə başlamaq lazımdır”.

Aile.lent.az