Limonadı evdə hazırla – təbii və vitaminli. Zərərli və rəngli market sularına pul xərcləmə, həm özünə, həm uşaqlara ləzzətli və vitaminli limonad hazırla, çox asan və dadlı…

Ərzaqlar:

Buzlu mineral qazlı su – 2 l.

Şəkər tozu – 3 x.q.

Xiyar – 3 ədəd

Qırmızı bolqar bibəri – 1 ədəd

1 ədəd laymın qabığı və suyu

Limon – 2 ədəd

Tərxun – bir-iki sap

Hazırlanması:

Xiyar və bibəri 1 saat əvvəldən nazik halqavari doğrayırsınız. Hərəsini ayrıca 2 xörək qaşığı şəkər tozu səpib kənara qoyursunuz.

1 saat sonra qalan 1 ədəd xiyarı və 1 limonu halqavari doğrayırsınız. Qalan limonun isə suyunu sıxırsınız.

Dolçaya tərxun atın, 1 çay qaşığı şəkər səpin, bir laymı bura sıxıb, qabığını sürtgəcdən keçirib, əlavə edin və limon şirəsini də qatıb qarışdırır, soyuq mineralı üzərinə tökürsüz. Bura doğranmış limonu, xiyarı, şəkərli xiyarı və bibəri də qatıb yenidən yüngülcə qarışdırır və soyuducuda 1 saat saxlayırsız. Süfrəyə verəndə tərxunla dekor edə bilərsiniz.

Nuş olsun!