Oruclu ağız qoxusu olanlar, diqqət!

SaqlamHeyat.az Türk mətbuatına istinadən bildirir ki, Orucun, ağızda quruluq və istər-istəməz ağız qoxusuna yol açdığını bunun da sərf ediləcək bitkilərlə önünə keçilə biləcəyini qeyd edən Diş Həkimi Pertəv Kökdemir, ağız qoxusunun qarşısını almaq üçün tövsiyələrini verdi.

 İftardan və ya obaşdan yediyimiz yeməklərə görə ərzaq artıqları ağız qoxusuna səbəb olur. Uzun müddət təmizlənməyən ağızda diş əti iltihabı başlayır və bu iltihab da qoxuya səbəb olur. İftardan və obaşdan sonra yemək artıqlarını uzaqlaşdırmaq üçün dişlər mütləq ən azı iki-üç dəqiqə fırçalanmalıdır. Sonra da diş ipi ilə diş aralarını təmizləmək və qarqaradan istifadə etmək lazımdır.

 Bunun yanında ağız qoxusunu əngəlləmək üçün bitkilərdən də istifadə etmək olar. Cəfəri, nanə, zəncəfil, şüyüd, adaçayı, darçın, yaşıl çay, okaliptus, hil, keşniş də ağız qoxusuna yaxşı təsir edir. Bəzilərini çiy şəkildə orucu pozduqdan sonra bəziləri də çay şəklində dəm alıb içəndə ağız qoxusunun qarşısını alır. Bir stəkan soyuq süd içmək də iyi xeyli azaldır.