Ən yaxşı DETOKS reseptləri
Alma və darçın
Bir almanı nazik dilimləyib üzərinə 500 ml təmiz su tökün. 1 ç.q. darçın tozu əlavə edib soyudun. Gün ərzində için. Bu, maddələr mübadiləsini normallaşdırıb həzm orqanlarınızı təmizləyəcək.
Limon şirəsi və bal
2 x.q. təzə sıxılmış limon şirəsini 200 ml isti su və 1 ç.q. təbii bal, 1 çimdik zəncəfil tozu ilə qarışdırın. Səhər yeməyindən 30 dəqiqə əvvəl acqarına için. Bu, həzm sitemini təmizləyib damarların divarlarını bərkidəcək, həmçinin enerji verəcək.
Zəncəfilli içki
3-4 sm uzununda təzə zəncəfil kökünün qabığını təmizləyin, xırda doğrayıb üzərinə 1 l qaynar su tökün. Ocağın üstünə qoyun, qaynara düşəndən sonra orta itilikli odda 10 dəqiqə bişirin. Süzün. Soyuduqdan sonra 1 çimdik darçın tozu və bir neçə xörək qaşığı itburnu siropu əlavə edin. Gün ərzində yeməkdən yarım saat əvvəl 100-150 ml qəbul edin. Həzm prosesini və maddələr mübadiləsini normallaşdırır, ümumi möhkəmləndirici effekt verir.
Çuğundur şirəsi
1 çuğundur, 2 alma, 4 kərəviz budağının şirəsini sıxın, gündə iki dəfə (səhər-axşam) yeməkdən yarım saat əvvəl 1 x.q. qəbul edin.
Sağlamlıq kokteyli
1 portağal, 1 limon və 1 yerkökünün şirəsini sıxın, 100 ml mineral suyla qarışdırın. Yeməkdən yarım saat acqarına için. O, yorğunluğu götürür, çünki tərkibində böyük miqdarda antioksidant var.
Xiyar və kərəviz
1 xiyar və kərəviz kökünü xırdalayın, 300 ml su əlavə edin. Gün ərzində için.
Nuş olsun!
