Xanımların çoxu saçlarının gec uzanmasından şikayətçidir. 

 

Çox effektiv və asan hazırlanan balqabaq maskasının reseptini təqdim edirik.

 

Balqabaq A, C vitamini və kalium baxımından zəngindir. A vitamini baş dərisi üçün mükəmməl antioksidantdır. C vitamini saçın sağlamlığını və uzanmasını təmin edir. Kalium isə saçı qidalandırır.

 

Balqabaq maskası bütün saç tipləri üçün istifadə edilə bilər.

 

4 xörək qaşığı suda pörtmüş balqabaq püresi

2 yemək qaşığı qatı hindqozu yağı

2 yemək qaşığı bal

Qeyd:  Həmin ərzaqlar saçları uzun və gur olanlar üçün nəzərdə tutulub. Seyrək saçlılar isə bu reseptin yarısını istifadə etməlidirlər.

 

Balqabağın tumlarını çıxarıb xırda-xırda doğrayın, mikrodalğalı sobada, yaxud suda qaynadıb pörtün.

 

Əldə edilmiş 4 yemək qaşığı balqabaq püresinə 2 xörək qaşığı qatı hindqozu yağı və 2 xörək qaşığı bal əlavə edib yaxşıca qarışdırın.

 

Maskanı saç diblərinə və saçlara sürtüb 15 dəqiqə gözləyin. İlıq su ilə yaxalayın. Bunu həftədə 2 dəfə etməlisiniz.(publika.az)