Uşaqların həftədə 2-3 dəfə çimməli olduğunu bildirən uşaq mütəxəssisləri onları infeksiyadan uzaq tutmağın 7 yolunu sadalayıb. Aile.lent.az həmin yolları təqdim edir.

 

Məktəb kimi qapalı yerlər infeksiyaların yayılma riskini artıraraq, uşaqların daha tez xəstələnməsinə səbəb olur. Məktəb çağında uşaqları infeksiyalardan qorumağın ən etibarlı yolu peyvəndlərdir. Peyvənd uşağın sağlamlığı baxımından olduqca önəmlidir. Bir çox infeksiyaya qarşı qoruyucu olan bu peyvəndlər mütləq vurulmalıdır.

 

 

 

Əlləri yumaq, xüsusən ishal, qusma və tənəffüs yolu infeksiyalarının yayılmasını əngəlləyən təsirli və sadə bir üsuldur. Parkdan evə gəldikdən, ya da heyvanlarla təmas etdikdən sonra, yeməkdən əvvəl və sonra uşağın əllərini yuması vacibdir. Məktəb kimi yerlərin tualetlərində duru sabun, isti su və kağız dəsmal olmalıdır.

 

 

 

Oyuncaq, kompüter, telefon kimi uşaqların diqqətini çox çəkən əşyaların onlara verilmədən əvvəl silinməsi, dezinfeksiya edilməsi lazımdır. Mikrobların çox olduğu tualet, qapı tutacaqları, kranlar və hamamlar bakteriyalardan təmizlənməlidir.

 

 

 

Özəlliklə qış aylarında geyim seçimi çox vacibdir. Qalın geyimlər geyindirmək uşağın tərləyərək tez-tez xəstələnməsinə səbəb olur. Buna görə bir qalın geyim yerinə pambıq və dərinin hava almasını təmin edən iki nazik geyimlər geyindirin. Körpələrə isə mütləq papaq taxılmalıdır. Çünki baş bölgələrindəki istilik az olur.

 

 

 

Uşaqlar həftədə 2-3 dəfə çimizdirilməli, dırnaqları həftədə bir dəfə kəsilməlidir. Uşaqlara özəl şampun və kremlər istifadə edin. Kirləndiyi zaman alt paltarı və geyimlər dəyişdirilməli, yataq, yastıq, yorğan təmizliyinə diqqət edilməlidir. Yatmadan əvvəl dişləri fırçalamaq, əlləri, üzü və ayaqları yumaq lazımdır.

 

 

 

İctimai yerlərdə asqırmaq, öskürmək xəstəliklərin yayılmasını asanlaşdırır. Buna görə asqırarkən ağzını dəsmal və ya əli ilə necə tutmalı olduqlarını onlara öyrədin.

 

 

 

Qidalanma uşağın sağlamlığı baxımından ən mühüm məsələlərdən biridir. Xəstəliyin bir çoxu bəslənmə yolu ilə başlayır. Məktəbə gedərkən çantasına sağlam qidalar qoyun. Meyvə-tərəvəzi yemədən əvvəl bol su ilə yumalı odluqlarını onlara öyrədin.

 

 

 

Evdə, küçədə oynayarkən yıxılıb yaralanan uşaqların yaraları əvvəlcə təmiz su və sabunla yuyulmalıdır.