Gözlərinizi yediklərinizlə qoruyun
13.12.2017, 20:38
1012
Ətraf təsirlər, genetik faktor və yaş həddi görmə qabiliyyətimizi də zəiflədir. Digər orqanlarımızda olduğu kimi, gözlərin sağlamlığı üçün də qidalanma önəmli rol oynayır. "A", "E" və "C" vitaminləri ilə zəngin olan sink, selen, omeqa 3 və omeqa 6 mineralları ilə zəngin olan qidalar insanda görmə qabiliyyətini yaxşılaşdırır. Mütəxəssislər qidalanmada daha çox kartof, ispanaq və badama üstünlük verməyi tövsiyə edirlər. Gözlərin sağlamlığını qorumaq üçün orqanizm mütəmadi olaraq vitaminlə təmin edilməlidir. Tum, fındıq, qızılbalıq, bibər kimi qidalar tərkibində "B12" vitaminləri və maqnezium kimi minerallar mövcud olduğuna görə görmə qabiliyyətini yaxşılaşdırır. "A" vitamini isə daha çox süd və süd məhsulları, bütün meyvə və tərəvəzlərdə var. Orqanizmin "A" vitamininə olan ehtiyacı təmin olunarsa, bu həm də kataraktın yaranmasının qarşısını alır.
Maddələr mübadiləsinin fəaliyyətini təmin edən əsas vitamin "B2" dir. Bu vitamin çatışmazlığı həzm sistemi, mədə, böyrək, saç və dəridə ciddi problemlərin yaranması ilə yanaşı, gözlərdə yanma və işığa qarşı həssaslıq, hətta kataraktın yaranmasına yol açır. Süd, yoğurt, pendir, kök, alma, əncir, şalfey, müxtəlif tərəvəzlər, balıq və paxlalı bitkilərdə bol miqdarda "B2" olduğundan bunları qəbul etmək gözlərdə katarakt əmələ gəlməsinin qarşısını alır.
Gözlərin sağlamlığını təmin edən vitaminlərdən biri də "C"dir. Gözləri günəşin zərərli təsirindən qoruyan bu vitamin katarakt yaranmasının qarşısını alır. Limon, portağal, qreyfurd, üzümün tərkibində bol miqdarda "C" vitamini olduğundan bu meyvələrdən qəbul etmək tövsiyə olunur.
İnsan orqanizmində önəmli rol oynayan "omega 3" yağı gözlərdə qurumanın qarşısını alır. Som balığı, qızılbalıq, qoz, yumurta, qırmızı ət, toyuq "omega 3" qaynağıdır. Sink və dəmir mineralları gözlərdə allergiyanın yaranmasını aradan qaldırır.
İspanağın tərkibində olan təbii antibiotik - "lutein" (gözlərdə olan təbii rəngləndirici) gözlərdə zəifliyi aradan qaldırmaqda təsirlidir. Eyni zamanda yaşla əlaqədar olaraq yaranan göz xəstəliklərinə qarşı qoruyucu rol oynayan ispanaq gözləri günəşin zərərli şüalarından müdafiə edir. Bol miqdarda ispanaq qəbul edən insanlarda katarakt və "sarı nöqtə" xəstəliyi daha az müşahidə olunur. Şəkər xəstəliyindən əziyyət çəkən şəxslərin göz sağlamlığı üçün "C" vitamini xüsusi əhəmiyyət daşıyır. Orqanizmi vitaminlə təmin etmək diabet xəstələrinin gözlərini zərərli maddələrdən qoruyur. Eyni zamanda şəkər xəstəliyi səbəbilə sinirlərdə və damarlarda əmələ gələn problemlərin qarşısını alır.
HƏKİMLƏR
TEZLİKLƏ...
