Çobanyastığı çiçəyi də insan orqanizmi üçün faydalı bikilərdən hesab olunur. Bu bitkini dəmləmək çox asandır. 2 çay qaşığı qurudulmuş çobanyastığını bir fincan suda dəmləyirik. Bu bitki ən çox ürək bulantılarına qarşı effektivdir.

Çobanyastığı güclü sakitləşdirici effektə malikdir, sinir sisteminə yaxşı təsir edir, yuxusuzluqla mübarizədə kömək edir. Gərginlik və narahatlıq bəzən mədə-bağırsaq sisteminin xəstəlikləri ilə əlaqədar olur.

Çobanyastığı çayı mədənin selikli qişasının iltihabını götürür və ağrıları azaldır, ona görə də mədə və onikibarmaq bağırsağın xoralarında tövsiyyə edilir. Bağırsaq mikroflorasının pozulmasından əziyyət çəkənlər üçün də çobanyastığı çayı faydalıdır. O həmçinin böyrək və öd kisəsi daşlarında əla profilaktik vasitədir.

* Tərlədici, ağrıkəsici və mikrobəleyhinə vasitə kimi çobanyastığı çayı soyuqdəymələrdə faydalıdır. Ağzın və boğazın selikli qişasının iltihabında onu qarqara üçün istifadə edirlər.

* Göz infeksiyalarında çobanyastığı çayının paketindən istifadə edilir. Paketi qaynar suya saldıqdan sonra gözün üzərinə qoyulur. Bu konyuktivitin müalicəsində effektivdir.

* O həmçinin üz dərisinə də xeyirlidir. Gündəlik səhər yeməyindən əvvəl 1 qaşıq balla çobanyastığı çayı içmək üz dərinizə sağlam və tərəvətli görünüş verəcək.

Qeyd: Əks təsirlərə gəldikdə isə çobanyastığı ən zərərsiz bitkilərdən biridir. Lakin burda da ehtiyyatlı olmaq lazımdır. Hamilə qadınlara çox miqdarda çobanyastığı çayı içmək məsləhət deyil. Onu sedativ vasitələrlə eyni vaxtda istifadə etmək də olmaz. Çobanyastığını aspirin və digər qan durulaşdırıci vasitələrlə içməyin. Yəni unutmayın ki, istənilən halda bu dərman bitkisidir.