Qeydiyyat    Giriş
Sayta giriş
» » Morton nevroması - pəncədə ağrıların səbəbi
Sağlam ailə

Morton nevroması - pəncədə ağrıların səbəbi



 
 Morton nevroması - pəncədə ağrıların səbəbi
 
 Bu kifayət qədər yayılmış pozulmadır. Əksər hallarda qadınlarda inkişaf edir.

Uzun müddət, hətta uzun illər ərzində xəstə özündə bu xəstəliyin inkişafından bixabər ola bilər. Xəstə ayağın alt hissəsində narahatçılıq, ağrılar, yad cismin olmasını hiss edir, lakin buna əhəmiyyət vermir, digər səbəblərlə izah edir, xəstəlik isə inkişaf etməyə davam edir.

Morton nevroması (digər adlar - Morton nevrinoması, pənsə nevroması, Morton xəstəliyi) zamanı müxtəlif səbəblərə görə 3-cü və 4-cü (nadir hallarda - 2-ci və 3-cü) ayaq barmaqları arasında keçən sinir iltihablaşır, böyüyür, şişir. Ətrafdakı toxumalar və sümüklər sinirə təzyiq etməyə başlayır ki, pəncədə ağrılar və digər xoşagəlməz hisslər inkişaf edir. Morton nevroması adətən bir ayaqda müşahidə olunur.

Morton nevromasının səbəbləri:

- yastıpəncəlik

- pəncə travmları (sınıqlar və s.)

- həddindən artıq yükləmələr (məsələn, idmançılarda)

- çox dar ayaqqabıların geyinilməsi

- burnu nazik olan hündürdaban ayaqqabıların geyinilməsi

- pəncə şişləri.

Simptomlar:

Xəstəliyin əvvəlində xəstələr dar ayaqqabı geyindikdə pəncələrdə keyimə, ağrılar, yandırma, barmaqların arasında yad cismin olmasını hiss edir. Xəstəlik inkişaf etdikcə ağrılar daimi olur, xəstəni bütün gün ərzində, hətta gecələr narahat edir, ayaqqabının növündən asılı olmur. Morton nevromasının xarakterik xüsusiyyəti - pəncənin sıxılması zamanı ağrıların artmasıdır.

Xəstəliyin diaqnozu USM və ya MRT zamanı qoyulur.

Xəstəliyin müalicəsi konservativ və cərrahi üsullarla həyata keçirilir.

Konservativ müalicə zamanı xüsusi ortopedik supinatorlar və ya ortopedik ayaqqabılar istifadə olunur. Xəstə dar, burunu nazik olan hündürdaban ayaqqabı geyinməməlidir. Ağrıların azaldılması üçün xüsusi iltihabəleyhinə preparatlar, yerli anestetiklər (barmaqların arasında olan məsafəyə inyeksiya vurulur) istifadə olunur.

Konservativ müalicə effekt vermədikdə, ağrılar xəstəni çox narahat etdikdə, cərrahi müalicə tətbiq edilir - sinirin iltihablaşmış hissəsi xaric olunur. Əməliyyat aztravmatik üsullarla həyata keçirilir.
loading...


loading...
Muəllif: narmin  7-03-2016, 07:00   Baxılıb: 1 744   
Hormətli qonaq, Siz sayta qonaq qismində daxil olmusuz. Zəhmət olmasa Qeydiyyatdan kecin və ya Profilinizlə giris edin .
İnformasiya
Qonaqlar qrupunda olanlar istifadəçilər bu Xəbəra şərh əlavə edə bilməz.