Bir sıra mütəxəssislər küllü miqdarda mal ətindən istifadə edən qadınların çox vaxt orta yaşlarda sinə xərçəngi ilə rastlaşdığını bildirir. Məlumat üçün bildirək ki, ətin təhlükəsi haqqında məlumatlar alimlər tərəfindən ilk dəfə deyil ki, qeyd edilir. Ancaq hələdə bu məhsulun vurduğu ziyanın dərəcəsi tam olaraq məlum deyil.

Sonuncu tədqiqatda alimlər 36-45 yaşlarında olan səksən min qadının sağlamlığı haqqında məlumatları təhlil etdilər. Məlumat 1991-ci ildə toplandı. Bu zaman qadınlar öz gündəlik rasionunu təsvir edən anketlər doldururdular. Alınmış məlumatların analizi sübut etdi ki, mal ətinin daimi istehlakı 22% sinə xərçəngi xəstəliyinin yaranma riskini artırır. Ət məhsullarından imtina edib paxla, qoz-fındıq və toyuq ətinə üstünlük verən qadınlarda isə bu risk 17% təşkil edirdi.

Alimlər qadınlara mal ətindən imtina etməyi məsləhət görürlər. Onun tərkibində orqanizm üçün çox faydalı və lazımlı birləşmələr olsa da, onun istehlakının həcmini yenə də azaltmaq lazımdır. Bu daha sonra sinə xərçənginin inkişafı ehtimalını azaltmağa kömək edəcək və bütovlükdə sağlamlığa müsbət təsir edəcək.