SaqlamHeyat.az Rus mediasına istinadən xəbər verir ki, qadınlar daim gözəl və cavan qalmaq istəyir, lakin həyatın sərt həqiqətinə qarşı dayanmaq olmur və yaş keçdikcə dəri solmağa başlayır və qırışlar əmələ gəlir. Bizə isə yalnız dərimizi təravətli saxlamaq üçün ona daim qulluq etmək qalır. Sizə qırışlara qarşı bir neçə maska resepti təqdim edirik.

Həmişə sağlam və parlaq dəriyə malik olmaq üçün təbii banan maskalarından istifadə edin. Bu ekzotik meyvə vitaminlərə, fermentlərlə, antioksidantlarla zəngin olduğundan, bu maddələr dərini elastik və zərif edir, qan dövranını yaxşılaşdırır və cavanlaşdırıcı təsir göstərir.

Qırışlara qarşı banandan hazırlanmış maska

1 bananı əzib püre şəklinə salın. 1 xörək qaşığı bala və 2 xörək qaşığı xama əlavə edin. Bütün məhsulları yaxşıca qarışdırın və üzünüzə sürtün. 20 dəqiqə üzdə saxladıqdan sonra isti su ilə yuyun. Yaxşı nəticə almaq üçün bu proseduru həftədə 3 dəfə təkrar edin.

Bananla dərini canlandıran maska

Kasada bananın yarısını 1 xörək qaşığı zeytun yağ və 1 yumurta sarısı ilə qarışdırın. Maskanı üzə çəkib 15 dəqiqə saxlayın. Sonra isə isti su ilə yuyun.Üzünüzü pambıq salfetlə qurulayın.

Quru dəri üçün banan maskası
Kasada 1 bananın yarısını, portağal şirəsi və yumurta sarısı ilə qarışdırın. 25-30 dəqiqə üzdə saxlayın. Sonra isti su ilə yuyun. Portağalı limonla da əvəz etmək olar.

Yağlı dərilər üçün banan maskası

1 xörək qaşığı bananı 1 çalınmış zülal və 1 xörək qaşığı limon şirəsi ilə qarışdırın. Maskanı 15 dəqiqə üzdə saxlayıb, sonra yaxşıca yuyun.

Cavanlaşdırıcı təsir göstən banan maskası

1 bananı püre halına salın. Ona 1 xörək qaşığı xama, 1 xörək qaşığı kəsmik və 1 çalınmış zülal əlavə edin. Madskanı üz və boyun-boğazın dərisinə çəkib, 30 dəqiqə gözləyin və yaxşıca yuyun.

Problemli dərilərdə sızanaqlara qarşı banan maskası

1 bananın yarısını püre halına salıb 1 çay qaşığı yulaf topası və 1 çay qaşığı yağsız süd əlavə edin. Qarışığı masaj hərəkətləri ilə problemli nahiyələrə çəkib 10-15 dəqiqə gözləyin. İltihab olan hissələri zədələməmək üçün ehtiyyatla masaj edin. Sonra isti su ilə yuyun.

Qidalandırıcı maska

Qabığı təmizlənmiş avakadonu blenderdə xırdalayın və 1 banan, 2 xörək qaşığı zeytun yağı, 1 çay qaşığı balla qarışdırın. Qarışığı üzə və boyuna çəkib 15 dəqiqə saxlayın. Sonra isti su ilə yuyub, pambıq dəsmalla qurulayın. İstəsəniz, bu maskaya 4-5 damcı limon şirəsi də əlavə edə bilərsiniz.

Bir neçə prosedurdan sonra dərinizdəki dəyişiklikləri görəcəksiniz. Ən əsası isə bu maskalardan müntəzəm istifadədir. Belə olarsa dərinizi yaxşı vəziyyətdə saxlaya bilərsiniz