Qeydiyyat    Giriş
Sayta giriş
» » Pəhriz saxlayanların diqqət etməli olduğu məsələ - Bunu etmək ömrünüzü azaldır
Sağlam ailə

Pəhriz saxlayanların diqqət etməli olduğu məsələ - Bunu etmək ömrünüzü azaldır



Pəhriz saxlayanların diqqət etməli olduğu məsələ - Bunu etmək ömrünüzü azaldır
Karbohidratlı qidaların azlıq təşkil etdiyi Atkins kimi pəhrizlər çəki atmaq istəyənlər arasında getdikcə çox yayılır və bəzi xəstəliklərə tutulma riskini azaltdığı da üzə çıxıb.

Lakin ABŞ-da aparılan 25 illik bir araşdırma göstərib ki, az miqdarda karbohidrat qəbulu - və ya əti protein və yağ əsaslı bitkilərlə əvəzləmək daha sağlamdır.

Araşdırma yedikləri karbohidratın miqdarını yada salan insanlarla sorğu əsasında aparılıb.


The Lancet Public Health jurnalında dərc olunan araşdırma çərçivəsində ABŞ-da 15.400 nəfər qəbul etdiyi qida və içki haqqında sualları cavablayıb.

Bunun əsasında alimlər onların karbohidratlar, yağlar və proteindən aldıqları kalori nisbətini hesablayıblar.

25 illik sınaqlardan sonra araşdırmaçılar müəyyənləşdiriblər ki, gündəlik enerjilərinin 50-55 faizini karbohidratdan alan qrupdakı insanların ölüm riski, az və çox karbohidrat qəbul edən qruplardakından daha aşağıdır.

Karbohidratlara tərəvəzlər, meyvə və şəkərdə rast gəlinsə də, onlar daha çox kartof, çörək, düyü və makaron kimi nişastalı qidaların tərkibində olur.

Araşdırmaçılar 50 yaşdan yuxarı insanların orta miqdarda karbohidrat qəbul etdikləri təqdirdə, təqribən 33 il daha çox yaşayacaqlarını təxmin edirlər.

Yəni, onlar digər qruplardan aşağıdakı fərqlə daha çox yaşaya bilərlər:

Enerjilərinin 30% və ya daha azını karbohidratlardan alan insanlardan (ekstra-aşağı karbohidrat qrupu) 4 il çox

Enerjilərinin 30-40 faizini karbohidratlardan alan insanlardan (aşağı karbohidrat qrupu) 2.3 il çox

Enerjilərinin 65% və ya daha çoxunu karbohidratlardan alan insanlardan (yuxarı karbohidrat qrupu) 1.1 il çox

Müəlliflərin müqayisəsinə əsasən, nəticələr 20 ölkə üzrə 400 mindən çox insanın daxil olduğu əvvəlki araşdırmaların nəticələri ilə oxşar olub.

loading...
Müəllif: narmin2  23-09-2018, 00:21   Baxılıb: 106   
Hörmətli qonaq, Siz sayta qonaq qismində daxil olmusuz. Zəhmət olmasa Qeydiyyatdan keçin və ya Profilinizlə giriş edin .
İnformasiya
Qonaqlar qrupunda olanlar istifadəçilər bu Xəbəra şərh əlavə edə bilməz.