Qızıl payızın dadlı meyvələrindən biri də heyvadır.
Əslində heyva insan orqanizmi üçün çox faydalıdır.
Soyuq havalarda xəstəlik ehtimalının artması səbəbindən immunitet sistemini gücləndirmək lazımdır. Tərkibində A, B və C vitaminləri olan heyva bu məsələdə çox faydalıdır.

1. İmmuniteti gücləndirir
Heyvanın faydalarını saymaqla bitməz. Heyvanın kalorisi azdır və tərkibinin 80 faizi sudan ibarətdir. 100 qram heyvada 52-57 kalori var. Heyvanın tərkibində antioksidant maddələrin miqdarı çoxdur. Bu isə orqanizmə çox faydalıdır.

2. Heyvanı qabığı ilə yeyin
Heyvanın qabığı çox faydalıdır. Bu səbəbdən çalışın heyvanı qabığı ilə birlikdə yeyin. Heyva həm çiy, həm bişmiş, həm də mürəbbə kimi faydalıdır. Bundan sonra heyvanın suyu və çayı da orqanizm üçün məsləhətlidir. Heyvanın tərkibində olan kateşin epikateşin maddəsi xərçəngə səbəb olaan toksin və kimyəvi maddələrin qarşısını alır. Xüsusilə də bağırsaq xərçəngi riskini azaldır. Heyva həzm problemi, mədə ağrısı, ürəkbulanması kimi hallarda da təsirlidir. Heyva suyu qastritə faydalıdır.

3. Stres və xolesterola qarşı
Heyvanın tərkibi C vitamini ilə zəngindir. 100 qram heyva gündəlik C vitamini ehtiyacının 25 faizini təmin edir. Bu vitamin orqanizmdəi zərərli sərbəst radikalları azaldır, stresə qarşı qoruyur və orqanizmin zəifləməsinin qarşısını alır.
Bununla yanaşı immunitet sistemini gücləndirir, orqanizmi mikrob və viruslardan qoruyur. Heyva "LDL" xolesterolunun qarşısını alır, qan təzyiqini stabil saxlamağa kömək edir.

4. Böyrəkdə daşların yaranmasının qarşısını alır
Heyvanın tərkibində potasiumun miqdarı çoxdur. Bu isə qan təzyiqini normal saxlamağa kömək edir. Bundan başqa potasium böyrək sağlamlığına da müsbət təsir edir. Aparılan tədqiqatlar göstərir ki, potasium böyrəkdə daşların yaranma riskini kifayət qədər azaldır.

5.Ağrıları azaldır, öskürəyi müalicə edir
Dilimlənmiş heyvanı ağrıyan nahiyələrə, yaralara, şşişlərə sürtmək ağrını azaldır. Heyva suyu və heyva çayı dəri yaralarının, ləkələrin müalicəsində effektlidir.

6.Gözə faydalıdır
Gözünüz ağrıyanda incə dilimlənmiş heyva qoyub 10 dəqiqə gözləyin. Heyva çayı ilə isti kompres də etmək olar. Heyva suyu və heyva çayı öskürəyə faydalıdır. İmmunitet sistemini dəstəkləyir. Qrip kimi xəstəliklərdə də istifadə etmək olar.
Ölkə.Az