Mütəxəssislər bildirir ki, sağlamlığa zərəri olmayan xalların rəng və formasını dəyişdirməsi vacib məqamdır. Bəzi xallar vaxt keçdikcə dəri xərçənginə çevrilə biləcəyindən bu cür xallar daim nəzarət altında saxlanmalıdır.

Türkiyəli dəri həkimi Xədicə Nuran Uz Aktekinin bədəndəki xallar haqda fikirlərini təqdim edirik.

Həkim xalların doğuşdan və sonradan yarandığını deyir. Demək olar ki, çox adamda rast gəlinən xallar adi olmaya bilər. Dəri rəngi açıq olan insanlarda isə xallar daha çox diqqət cəlb edir. Xallar anadangəlmə olduğu kimi, uşaqlıq və yetkinlik dövründə də ortaya çıxa bilər və uşaq böyüdükcə xallar da böyüyür. Bəziləri tündləşir, bəzilərinin rəngi açılır: "Bu dəyişikliklər normaldır və "melanoma” dediyimiz dəri xərçəngi deyil. Ümumiyyətlə, xallar qəhvəyi rəngdə olmaqla yanaşı, bəzən açıq qəhvəyi, qara, qırmızı, çəhrayı, mavi, dəri rəngində və ya rəngsiz də ola bilərlər. Forma baxımından yumru, səthi düz və ya yüngül qabarıq olurlar. Görünüşü sürətli dəyişmir, ümumiyyətlə, eyni qalır. Üzərində tük də ola bilər. Bəzi xallar isə illər ərzində dəyişə və ya tamamilə itə bilər. Ancaq bədəninizdəki xallar böyüyür, qaşınır və ya qanayırsa, vaxt itirmədən dermatoloqa müraciət etməlisiniz. Çünki dəri xərçəngi olan melanom əvvəldən mövcud olan xal üzərindən inkişaf edə bilər. Melanom vaxtında aşkarlandıqda müalicə edilə bilən xərçəng növüdür”.

Xallar cərrahiyyə əməliyyatı ilə çıxarılmalıdır