- Menstrual dövrünün pozulması. Bu müxtəlif formalarda ola bilər. Menstruasiyalar  daha gec-gec olur, qanaxma azala bilər. Bəzi qadınlarda isə əksinə menstruasiyalar güclü qanaxma ilə müşayiət olunur.

- Uşaqlıq yolunun selikli qişası daha quru olur ki, bunun nəticəsində uşaqlıq yolunda qaşınma, yandırma hiss oluna bilər, cinsi əlaqə zamanı xoşagəlməz hisslər yarana bilər.

- Sidik ifrazı tezləşir, öskürək və asqırma zamanı sidik saxlaya bilməməsi halı inkişaf edə bilər.

- Qadın gün ərzində bir neçə dəfə üzündə, sinəsində, əllərində güclü istilik hiss edir. Daha sonra qadın güclü tərləyir, ürəkdöyünməsi artır, nəfəsalma çətinləşir. Bu bir neçə dəqiqə ərzində davam edir və adətən gecələr baş verir. Buna "ilstilik gəlməsi" deyilir. Bu klimaksın ən birinci simptomlarındandır.

"İstilik gəlməsi" daha ağır və ya daha yüngül formalarda ola bilər.

- Klimaks zamanı qadının yuxusu pozula bilər (qadın gecə tez-tez oyanır, gündüz yuxulu olur, yuxuda xoruldayır).

- Ürəkbulanması, başgicəllənməsi, baş ağrısı, zəiflik kimi simptomlar meydana çıxa bilər.

- Klimaks zamanı qadının saçları güclü tökülməyə başlayır.

- Qadınlarda bel ağrıları, oynaqlarda ağrılar ola bilər.

- Üz dərisinin vəziyyəti pisləşir - dəri solğun olur, elastikliyini itirir, qırışlar əmələ gəlir.

- Qadın daha əsəbi, həyacanlı olur, depressiyaya düşə bilər.

- Qadınlarda güclü səsə, işığa, bəzi iylərə qarşı dözülməzlik yaranır.