Saçını rənglətmək üçün getdiyi salondan yanıq saçlarla ayrıldı.

SaqlamHeyat.Az xezerxeber.az-a istinadən bildirir ki, Bakı sakini Günel Aşırova iddia edir ki, paytaxtdakı salonlardan birində usta onun saçını rəngləyərkən zədələyib. Onun sözlərinə görə, salona gedərkən saçının sadəcə rənginin müəyyən qədər dəyişdirilməsini istəyib. Amma saç ustası nəinki saçın rəngini dəyişib, hələ bu azmış kimi saçını da yandırıb.
Günelin Aşırovanın sözlərinə görə, hətta məsələni həll etmək üçün yenidən salona gedərək onlarla dil tapmağa çalışsa da, bu cəhdi baş tutmayıb.
Məsələnin təfərrüatlarını öyrənmək üçün biz də həmin salona üz tutduq. Saç ustası Sərxan Qulamlının sözlərinə görə, qızın saçları rənglənib, amma yanma hadisəsi orda baş verməyib.
Sərxan Qulamlının fikrincə, qadın iddia etdiyi kimi saçı zədələnibsə, həmin an yox, bir neçə gün sonra iddia qaldırması müəmma doğurur.
Maraqlısı budur ki, ortada saçın əvvəl necə olduğunu sübut edən hec bir fakt yoxdur. Bu da məsələdə kimin haqlı, kimin haqsız olduğunu sual altına qoyur.