2017-ci il başlayandan Azad İstehlakçılar Birliyinə həkimlərin səhvi ilə bağlı şikayətlər daxil olur.

Bunu Birliyin rəhbəri Eyyub Hüseynov deyib.



Onun sözlərinə görə, "Azad İstehlakçılar" İctimai Birliyi (AİİB) artıq "Medi Club" tibb mərkəzində xəstə Fazil Məmmədovu əməliyyat etmiş həkimdən xəstəyə 4000 AZN məbləğin qaytarılmasına nail olub:

“Lakin "Medi Club" tibb mərkəzi ilə məhkəmə çəkişməmiz davam edir. Başqa şikayət Sevda Balayeva tərəfindən "MED Holdinq" klinikasının sahibi və stomotoloqu Cavid Qurbanovla bağlıdır. Vətəndaşdan 2330 manat alıb, heç bir maliyyə sənədi verməyib. C.Qurbanov şikayətçini çıxılmaz vəziyyətə salıb. Hazırki mərhələdə AİİB həkimlə danışıqlar aparır ki, mübahisəni danışıq yolu ilə ilə təmənnasız olaraq həll etsin. Digər şikayət ölkənin çox nüfuzlu şəxsinin rəhbərlik etdiyi dövlətə məxsus klinikadandır. Bu klinikada təmənnasız olaraq əməliyyat olunması baş tutmayıb. Şikayətçi Yusubova Rəsmiyyənin sağlamlığına ciddi zərər dəyib. AİİB tərəfindən klinikanın rəhbərinə rəsmi məktub göndərilib və məsələnin danışıq yolu ilə həllinə dair təklif verilib. Şikayətçinin məqsədi qeyri-qanuni ödənilmiş 2800 manat pulun geri qaytarılması və sağlamlığının bərpa olunmasıdır”.

Alçina Amilqızı
Cebhe.info