36 yaşlı ABŞ vətəndaşının atası anasının ginekoloqu çıxdı
Allahın bəxş etmədiyi övladı başqa üsullarla əldə etməyə girişən valideynlərin əməllərinin acı nəticələri uşaqların taleyində mənfi rol oyanır. İndi ölkəmizdə də daha geniş yayılmış bu üsulla valideyn olmağın fəsadları illər sonra daha dəhşətli fromada ortaya çıxacaq. Bu günlərdə ABŞ-da baş verən sensasiyalı hadisə bunu bir daha sübut edib.

Belə ki, Kelli Rovlette adlı qadın DNT nümunəsini soy araşdırması saytına göndərir və öz nəticələrinin atası ilə uyğun gəlmədiyini öyrənir. İlkin mərhələdə testin səhv olduğunu düşünən K.Rovlette DNT-sinin onun süni mayalanma ilə dünyaya gəlməsini təmin edən həkim-ginekoloq Gerald Mortimerlə uyğunlaşdığını müəyyən edir.

Aldığı nəticədən dəhşətə gələn və beynində onu narahat edən müxtəlif şübhələrdən bərk əsəbləşən K.Rovlette təqaüdçü ginekoloqu müqavilənin şərtlərini pozduğuna, saxtakarlığa görə məhkəməyə verib.

Qeyd edək ki, məhkəmə prosesində bəzi həqiqətlər də üzə çıxmaqdadır. Belə ki, 1980-ci illərin əvvəllərində Vayominq sərhədindəki İdaho Fallsda yaşayan Kelli Rovlettenin valideynləri – Salli Aşbi və Hovard Fovlerin valideyn olmaq naminə süni mayalanma müalicəsi üçün həkimə müraciət etdikləri bəlli olub. Ərin sağlamlığında problem olduğu üçün cütlük müəyyən fiziki xüsusiyyətlərə malik bir universitet tələbəsi donordan sperma alınması ilə müalicəyə razılaşıblar və onların bir qız uşağı dünyaya gəlib.

Amma 37 ildən sonra məlum olub ki, kişi ginekoloq-həkim cütlüyü aldadıb. Bunun əksi də ola bilər: arvad ərini aldadıb. Son nəticədə hansı versiyanın düzgün olduğunun o qədər də əhəmiyyəti yoxdur. Rəsmi sənədə əsaslanmaqdan başqa çarə də yoxdur. Məhkəmə sənədlərində qeyd olunur ki, üç ay müddətində süni mayalanma aparan həkim G.Mortimerin özü gizli şəkildə donor olub. (bizimyolinfo.com)