Sarımsaq və bal ayrı-ayrılıqda orqanizm üçün yararlı qidalardır. Ancaq mütəxəssislər onları qarışdırıb yedikdə hər iki qidanın təsirinin daha da artdığını bildirirlər. Dünyaca məşhur həkimlərin fikrincə, sarımsaqlı bal soyuqdəymədən təzyiqə, iltihablanmadan, astmaya qədər bir çox problemə çarə olur.

 

Deyilənə görə, xolesterinin səviyyəsini aşağı endirmək və görmə qabiliyyətini artırmaq üçün də sarımsaqlı baldan faydalanmaq olar.

 

Publika.az sarımsaqlı bal hazırlamağın ən asan üsulunu təqdim edir:

 

3 diş sarımsaq, 10 xörək qaşığı bal, 200 qram kətan toxumu yağı, 4 ədəd limon.

 

Sarımsağı soyub, ətçəkən maşından keçirin. Limonu soyub doğrayın. Daha sonra bütün məhsulları qarışdırın (bu zaman taxta qaşıqdan istifadə etməlisiniz). Qarışığı şüşə qabda mühafizə edin. Hər gün yeməkdən əvvəl 1 qaşıq qəbul edin.